La bishar ia ki kot ki sla ki kyrtong ka War East

Jowai, 28 Naiwieng:
U Returning Officer, ka West Jaintia Hills District mynta ka sngi u la dep ban bishar ia ki 14 tylli ki nomination papers kiba la thep da ki 4 ngut ki kyrtong ki ban iakhun iaka Election Shiteng Samoi na War East Constituency sha iing dorbar ka JHADC.
Haba bishar bniah ia ki kot ki sla jong kitei ki kyrtong ha DC office ha Jowai, ki nongkyrshan jong ki kyrtong bapher bapher ruh ki la wan ban synranlang ia ki. Na ka liang u DC u la ong ba ha kane ka election shiteng samai ki don katto katne ngut ki polling station kiba lah ban mih jingkulmar ha ka thain Syndai. Hynrei na ka liang u DC u la ong ba la thung ia uwei u Special Sector Magistrate ha katei ka thain khnang ba ka election kan long kaba iaid beit. Ha kane ka Election Shiteng Samoi, ki don 4 ngut ki kyrtong kiba kynthup ia u ma Lamdibok Sumer uba dei u CEM barim ka JHADC na ka INC, u ma Losing Lakuna (IND) uba la ju iakhun teng ia ka Election MDC ha ki snem ba la dep bad ar ngut kiba dang thymmai kiba kynthup ia u ma Firstborn Manner u kyrtong na UDP bad u ma Smenlang Kyndait uba dei u kyrtong ka BJP.