Ym don ba shah kyntait ki kyrtong MDC

Shillong, 28 Naiwieng:
Mynta ka sngi ka dei ka sngi ba khadduh ia ki kyrtong kiba kwah ban ia khun ha ka elekshon shiteng samoi ban thep kyrteng bad haduh ba kut ka por 3 baje ym shym don shuh ki kyrtong ki ba wan thep kyrteng lait noh na ki 16 ngut ha ki lai tylli ki konstitwensi bad la pyndep syndon mynta ka sngi ban khmih bniah ia ki kot ki sla jong ki kyrtong baroh bad hadien ba la dep ban peit bniah ym don uwei ruh u kyrtong u ban shah kyntait bad baroh ki lah ban ia khun ha katei ka elekshon.
Lashai ka sngi pat kan dei ka sngi ba la ailad ia ki kyrtong kiba kwah ban weng kyrteng noh ia lade na katei ka elekshon shiteng samoi. Ki kyrtong kiba la dep thep kyrteng ki la poi lut mynta ka sngi sha ophis u Deputy Commissioner ka East Khasi Hills ban ia bishar bniah ia ki kot ki sla jong ki.