Ar miet sah U Pastor na Wales ha Shangpung, ka shnong ba u sah por khynnah

Shillong,24 Naiwieng:
U Pastor na ri Wales u Rev.Watcyn James u la sah miet ar miet ha ka shnong Shangpung, Jaintia hills hadien ba u mih na Nongsawlia. U Pastor u kwah ban leit jngoh kyrpang ia katei ka shnong naba ka dei ka shnong kaba u la sah ha ka por ba u dang rit mynba u dang don ha ka rta kaba 4 ne 5 snem. U la sah ha Shangpung bad ki kmie ki kpa jong u ha u snem 1959 haduh 1961, u kpa jong u ruh u dei u pastor bad la ju khot ia u kum u pastor James, iathuh u Tymmen basan F.Dkhar haba ia kren bad u Rupang.
U la iathuh ba u pastor James uba la wan ialap ha ka jingiaseng 175 snem ha Nongsawlia u la leit jngoh ia ka Shangpung ryngkat bad ka kurim jong u kaba ki ju khot ka Mem James. Ar sngi ha Shangpung u la leit peit ieit ia ka jaka ba u sah mynshuwa, ki lum ki wah bad ki sawdong sawkun jong katei ka shnong. Ka la pynllung mynsiem biang ia utei u pastor ban poi biang hadien 55 snem sha ka jaka ba u sah ha ka por ba u dang rit. U Pastor Walcyn James u la wan phai sha Shillong mynta ka sngi bad u la poi hapoh PCI ha ka por 12 baje shiteng sngi.