Pynsangeh klas ka HYC ba sngi shuti

Shillong, 23 Naiwieng:
Ka Hynniewtrep Youth Council na Malki bad Nongthymmai Circle bad ki nongialam ka HYC Shillong ki la pynsangeh ia ka jingpynlong klas ka University of Technology and Management (UTM) kaba don ha Dhanketi hynne ka sngi namar ba ka dei ka shuti Seng Kut Snem.
Ki dkhot ka HYC hapoh ka jingialam u samla Franky Kharum-nuid President ka HYC Shillong City , u samla John Lyngdoh Vice President bad u samla Banker Dkhar Genital Secretary la leit ban pynsangeh ia ka jingpynlong klas ha katei ka jaka pule namar ba ka bor pyniaid jong kane ka skulbah kam shym la burom ia ka Seng Kut Snem jong ka Seng Khasi.
Ha ka jingiakren, ki bor pyniaid katei ka skul pule ki la pynpaw ba kim don jingtip halor kane ka shuti bad hadien ka jingiakren la pyllait shuti ia baroh ki khynnah pule.
Kumjuh ruh ki dkhot ka HYC Nongthymmai Circle ki la pynsangeh ia ka jingpynlong klas jong kane ka skulbah ha Laitumkhrah. Ki nongialam ki la pynpaw ba kane ka jingleh pyrshah kane University ka long ka jingbym niew burom ia ka jaid bynriew bad khamtam kum ha kane sngi ba kyrpang jong ka Bri U Hynniewtrep.