Iather kuli jur ki Pulit bad GNLA, shah kem 4ngut

Tura, 23 Naitung:
Ki pulit ka West Garo hills District ki la pynlong ia ka jingkhynra seng lehnoh myn ha ka sngi nyngkong jong ka taiew ha kaba ki la sdang ia ka jingkhynra na Tura bad pynkut pat ka shnong dudaret kaba hap ha ki thain jong ka Selsella. Ha katei ka jingleit khynra ka la mih ruh ka jingiather kuli kaba mar kylliang hapdeng ki dkhot jong katei ka kynhun lehnoh bad ki pulit.
U Mukesh Singh SP jong ka West Garo Hills, u la ong ba ki pulit ki la ioh jingtip ia ka jingdon ki nongtrei bad ki nongiarap ka GNLA ha katei ka nongbah ha kaba mar-mar, hi ki la pynlong ia ka jingkhynra kaba jur kaba la sdang mynhynin ka miet naduh ka por 12 baje h kaba k la ioh kem uwei u nongniah jong kawei ka auto uba long ruh u nongtrei jong katei ka seng.Haba la kylli tohkit ia utei uba la shah kem u la phla ia ka kyrteng jong ki dkhot ka GNLA ha kaba tang kumba katto katne por la ioh kem sa ar ngut pat.Ki arngut kiba la shah kem ki dei ki dei ki Area Commander, ba la tip kyrteng kum Uu Baichung bad U Jack, kiba shyrkhei bha ka kam pyntriem ha katei ka nongbah.
Saw ngut ki ba la shah kem, la tip kyrteng kum u Tengsan A Sangma 35 snem uba shong ba sah ha Darengre, Bilhomes Sangma 19 na Selsella), Amseng B Marak 20 na Darengre) bad u Sengman T Sangma 25 na ki thain jong ka Darengre . Ki pulit ki la ioh ban kurup ia ki shithi dawa pisa bad kiwei pat ki kot ki sla na kitei kiba la shah kem.
Ha ka miet kaba bud ki pulit ki la tur sha ka jaka sah jong u Jack ha Dudaret kaba don ha ka thain jong ka Selsella ha kaba dei hangtei ba la mih ka jingiather kuli kaba mar kylliang hapdeng jong ki. Wat la ym shym don kano kano ka jingiaiap ha katei ka jingiasiat, hynrei ki pulit ki la ioh pat ban kurup kawei ka pistol Revolver, I Grenade, 1 Wireless set, 200 gms ka RDX, 2 magazines, 30 rounds ki kuli bad saw tylli ki kot dawa pisa, ka mobile phone bad kiwei pat ki tiar.
U SP jong ka West Garo hills u la pyntip ruh ba ka jingleit khynra bad ka jingleit tur ki pulit sha katei ka jaka ka long kaba la da plan janai bha hadien ka jingioj jingtip ia ka jingdon kitei ki dkhot jong ka GNLA. Ki pulit ki la ong ba kin ym shongthait tad haduh ban da ioh kem ia kitei ki lehnoh da kaba kam ba ka jingshah kem jong uwei kan ialam lynti ban kem sa ia kiwei pat.