Shah ksih u draibar ha ki nongwai kali

Shillong, 21 Naiwieng:
Ha ka 20 tarik mynta u bnai u Rokhelson Nongrang u la ujor sha ki pulit ba ha ka por 9 baje ha katei ka miet ki la don 3 ngut ki briew kiba wai ia ka kali Chevrolet jong u ban leit buh na Anjalee sha Law-U Sib, katei ka kali ka dei kaba don ia u nombar ML-05N-1936. Hynrei haba la poi ha Law-U-Sib uwei na kiba shong ha katei ka kali u la ksih ia u hynrei u la ioh phet krad noh na katei ka jaka bad wut wut u la pyntip pulit. Tang mar ia ioh jingtip ki pulit ki buddien bad ki la lap ia ka kali na Rynjah, Shillong bad la lap ba ka pisa kaba don T.13,000 tyngka ka la jah, 2 tylli kki mobiles ki la jah napoh kali. Ha katei ka jingjia ki pulit ki la ioh kem ia uwei u briew uba la tip kyrteng kum u Khogen Bora.