Syrtok ki paidbah ka thaiñ Ri-war bym don Account

Shillong, 21 Naiwieng:
Ki paidbah ka thaiñ Ri-War Mihngi na ka thaiñ Pynursla khamtam ki nongkyndong ki nongrep ki la mad jingeh ha kine ki sngi naba ka kot 500,1000 ka la pyn syrtok ia ki tang na ka daw ba kim don bank account. Ki paidbah katei ka thaiñ ki la iathuh ba ki la don bunbah ha kine ki sngi kiba la leit sha bank ban pynkylla pisa ia ka kot 500,1000 jong ki hynrei ka la pynjew slew ia ki tang mar ia npoi ha bank naba ki bank kim pdiang ia ki bym don Account.
Don kiba la phone sha une u nongthohkhubor ban iathuh ia katei ka jingjia, ha kaba ki la ong ba hadien ba ka bank kam treh, ki la pynbiang ia ki kot ki sla jong ki ban plie account hynrei hadien ba ki la pynbiang ia ki kot ki sla ruh, ki bank ha Pynursla kim pat shah ia ki ban plie account bad ki la ong ba ki bunkam sa wan kham hadien. Kat kum ka jingiathuh kitei kiba la phone sha u nongthohkhubor ki la ong ba ki la pynlut bun bun sngi ban wan sha Pynursla ban kylliang pisa bad katei ka la ktah ia ka pla jong ki .