Palat ia ka T.3, die ki nongsam khaw rashon SWKH sha ki paidbah

Shillong,16 Naiwieng:
La kynnoh ba ki nongsam khaw rashon ha South West Khasi Hills ki la die tam ia ka dor T.3 tyngka sha ki paidbah kiba bam khaw rashon bad katei ka la jia ha kylleng ki shnong jong katei ka District. Haba kren sha ki nongthohkhubor mynta ka sngi u President ka HYC South West Khasi Hills u bah Arbok K Jahrin u la ong ba don kiba die ha ka dor T.4 tyngka, T.5 tyngka, T.6 tyngka ia u khaw rashon uba dei ha ka dor T.3 tyngka kumba la pynbna da ka sorkar India.
U la ong ba katei ka seng ka la wad jingtip na ki nongsam khaw rashon hynrei ki la jubab ba ka daw ka dei namarba kim ioh bai kit bai bah na ka sorkar.
U la ong ruh ba katei ka seng ka la leit ban ujor sha ka ophis u Deputy Commissioner (Supply) ka SWKH hynrei haduh mynta ruh kim ioh juba eiei.
Dei halor katei ka nongrim ki nongialam katei ka seng ki la leit pynhap da ka jingthoh ha ophis u chief Secretarynamar ka jingbym iohlad ban ia kynduh ia u.
Katei ka seng ka la ong ba haduh kine ki sngi ruh ka jingdie tam ia u khaw rashon na ka dor ba la buh ka dang bteng ha South West Khasi Hills namarba ki nongsam khaw rashon ki ai daw ba kim ioh baikit bai bah na ka sorkar.