Kyrshan ka KSU Thyllaw Border Unit, ia u MDC Jaiaw

Shillong, 22 Naitung:
Ka KSU Thyllaw Border Unit ka ai ka jing kyrshan kaba pura ia ki mat kiba la wanrah da u Bah Adelbert Nongrum, MDC ka Jaiaw Constituency ban pynkylla ne pynthymmai iaka Megha laya Autonomous District Constitutuion od District Council, Rule 1951, kaba ki Jaidbynriew Garo ne kiwei ki jaidbynriew riewlum ba kim dei ban iakhun iaka ilekshon MDC ne ioh thep Vote hapoh ka Khasi Hills District Autonomous District Council (KHADC) bad ka Jaintia Hills District Autonomous District Council (JHADC).
U Bah E Ramsiej, President ka KSU Thyllaw Border Unit, ha ka kyrwoh ula ong ba ka seng ka dap da ka jingslyngngoh iaka jingbym pat pyntreikam iakatei ka aiñ ne rule watla kala don naduh kitei ki snem bad ha ka jingshisha ki paralok riewlum (Garo) ki dei ban sngewthuh ba ka jingpyntreikam iakatei ka aiñ, kam long ka jingshun ne pynsniewdur iaki hynrei ka long ka lad ka jingiada ruh iaka hok longtrai jongki sha rilum Garo.
Shuh shuh utei u nongialam ula pynpaw ba ka seng ka ai ka jingkyrshan kaba pura bad kan iai pyrta iaka sorkar khnang ban pyntreikam noh kloi ia katei ka aiñ, namar ka long ka lad jongka jingiada iangi ki paid riewlum Khasi Pnar. Ka seng ka la pynpaw ruh ba ka Sixth Schedule kam don jingmut eiei lada iaka Rule 1951 ym shym la pyntreikam lane iaka hok longtrai ki jaidbynriew Khasi Pnar ym shym la pynneh pynsah ne burom bad ñiewkor lyngba ka District Council.