Rah ki pulit ia u Rangbah Shnong, suba pyniap ia ka longkmie

Shillong,15 Naiwieng:
Mynta ka sngi hat majai , ki pulit ki la rah ia u Rangbah shnong jong ka Liarkhla, Ri-Bhoi district u bah Donbor Rymbai, 41 snem karta ban tohkit namar ba la suba pyniap ia kawei ka longkmie kaba la lap mynhynnin ka sngi na Ryndangbriew, Mawiongrim. La rah ia u bah Donbor da ki pulit ka Umroi PS bad hadien la aiti noh sha ki pulit ka Mawlai PS. Katkum ka tyllong khubor na ki pulit la ong ba la pynngat ia u ha ki kyndon Mawlai PS case no 98(11)2016 u/s 302/201 IPC.
Ia ka longkmie ba la lap mynhynnin ka sngi na Ryndang briew la ithuh kyrteng kum ka kong Rosemary Mawlong ( 32 snem karta) kaba shong basah ha Sumer, Ri-Bhoi district, katei ka longkmie ka la don 3 ngut ki khun. Ia ka metiap jong ka la leh post mortem mynhynin ka sngi ha NEIGRIHMS, Shillong bad mynta ka sngi la aiti sha ki bahaing hasem. U SP ka East Khasi Hills u bah M.Kharkrang u la ong ba yn tothkit ia katei ka jingjia da ki pulit ka East Khasi Hills ryngkat bad ki pulit ka Ri-Bhoi district.