Lynga ka GNLA ban pyniaid ia ki kot 500,1000

Shillong, 14 Naiwieng:
Ki lad khubor ki la iathuh ba ka seng lehnoh GNLA ka don hapdeng ka jinglynga mynsiemkumno ban pynkylla pisa biang ia ki pisa pliah jong ka kiba da ki kot 500 bad 1000 suda. La iathuh ba u heh jong katei ka seng u Sohan D Shira u la pyrshang katba don ka la buit ka bor ban pyniaid iew ia kitei ki pisa lyngba ki bahaing hasem jong u, ki paralok bad lyngba ki katto katne ngut ki heh spah ha ri Lum Garo.
U SP ka East Garo Hills u Davies N R Marak u la iathuh ba u Sohan u la pyrshang katba don ki lad ki lynti kumno ban pynkylla pisa biang ia ki tyngka pliah ka GNLA.
U la ong ba la phla ia kane da ki 3 ngut ki dkhot katei ka seng kiba la wan pyndem wait mynhynnin ka sngi, utei u heh pulit u la ong ba dang shen ki pulit ki la khynra ha ingsah jong utei u heh ka GNLA bad ki la lap T.1.5 lak tyngka ka pisa ryngkat 27 tylli ki Passbook jong ki bank bapher bapher kiba don ha ka kyrteng ki bahaing hasem jong u.
U la ong ruh ba ha kine ki sngi ki pulit kin peitngor bha ban ioh bat ia ki briew kiba shah pyndonkam ha u Sohan. Ha kawei pat ka phang, ki dkhot ka GNLA kiba la wan pyndem wait ki la iathuh ba ka GNLA mynta ka don sa tang kumba 27 ngut ki dkhot jong ka.