Khlad ha shen u samla ba tyngkhuh kali

Nongstoiñ, 13 Naiwieng:
U wei u samla u la khlad noh hashen katba u wei pat u la mynsaw hadien ba ka kali kaba ki shong ka la iatyngkhuh noh bad kawei ka trok ha kawei na ki jaka jong ka surok bah Nongstoin bye pass, ha ka sngi Saitjain jong ka taiew bala lah ha kapor 12:30 PM ei ei.
Katkum ka tyllong khubor na ki heh pulit ka tnad Traffic jong ka Nongstoin, la ong ba katei ka maruti Private kaba don ia u number ML 06 5178, ka la mih na ki thain Umkyllain, ha ryngkat ka jingthmu ban wanphai sha Nongstoin lyngba katei ka surok bah.
Hynrei kyndit kumno re kumno katei ka kali maruti tang mar iapoi ha katei ka jaka ha jan ka lad ban leit sha ka shnong Mawthawniaw ka la kum leit tynrah noh ia kawei ka trok kaba dang mih na ki thain Sohpian lyngba katei ka surok bah.
Shuh shuh ka khubor ka iathuh ruh ba ia u tei u nongniah u bala khlad noh la tip kyrteng kum u Banshemphang Lyngdoh 19 snem ka rta na ka shnong Tiehjyrsieh New Nongstoin, katba ia uwei pat u ba la mynsaw la tip kyrteng kum u Nickstar John Wahlang 19 snem na Upper New Nongstoin.