Thaw kynhun khang khaïi masi ka FKJGP

Shillong,11 Naiwieng:
Ka FKJGP ka la thaw ia ka kynhun ban khanglad ia ka jingkhaïi masi be-aiñ sha Bangladesh bad ia katei ka kynhun la tip kum ka Cattle Smuggling Prevention Team (CMPT), katei ka jingthaw kynhun ka FKJGP ban kem masi tuh ka dei namar ba ka dor ka doh masi ka kiew tang na ka daw ba bun ki masi ki leit sha Bangladesh bad ban la ban pynthikna ba ka doh ba ki paidbah ba ki bam kan dei kaba koit ba khiah.
Ka kyrwoh na u Marbud Dkhar Chief Organiser ka la kyntu ia baroh ki Unit jong ka FKJGP khamtam ha ki thaiñ khappud kum Laitlyngkot, Pynursla, Mawsynram, Mawkyrwat, Shella bad kiwei ban ki dei ban shimkhia ia katei ka kam. Ka la kyntu ruh ia ki paidbah ba kin ujor sha katei ka seng lada lap ia kum kitei ki kam be-aiñ, ka la maham ruh ia ki trok kit masi khaii tuh ba lada lap yn pynshitom ia ki.