Sngewkhia sainar shiah ki 3 seng

Shillong, 10 Naiwieng:
Ki lai tylli ki sengbhalang kiba kynthup ia ka Khasi Jaintia National Union (KJNU), ka Meghalaya People United Front (MPUF) bad ka All Hynniewtrep People United Front (AHPUF), ha ka kyrwoh na u President ka KJNU ki pynpaw ka jingsngewkhia halor ka jingthmu ker sainar shiah kaba la dep sorbe ha ki katto katne ki bynta ha ki khappud ka Meghalaya bad ka Ri Bangladesh ha ki bynta jong ka Jaintia namar bun ki trai jaka bad ki shnong ki thaw ki la shah ktah. Kitei ki 3 seng ki kwah ban long kum ki nongpyniasuk hapdeng ka sorkar bad ki trai jaka, na ka bynta ban wanrah ia ka jingmyntoi ha ka jingiadei bad u pud u sam jong ka ri bad ka jait bynriew bad kine ki lai seng ki kyrpad ia kiba shah ktah ha kane ka jingker sainar kin kynduh bad ki nongialam ki ar seng na ka bynta ban iaid shakhmat ban pynbeit ia ki kynrum kynram. Pynkut ka kyrwoh na u President ka KJNU u samla N.N. Shadap.