Lait salit ki taiar bus na ka thliew ha surok ha Forest Colony

Shillong,22 Naitung:
Ka jingsniew ka surok kaba don ha Forest Colony ha Block IV ka lah ban ap ia ki kali ki ba leit ba wan ha ka jingma.
Kane ka surok kaba mynshwa ka long tang ka surok shnong,hynrei naduh ba la pyniaid ia ki kali sorkar Shillong Public Transport Services (SPTS) ka la long kaba bunkam bha. Lada ka surok ha sor ka long kumne pyrkhat kumno kan jia sha nongkynsong lei.Hynrei u nongthoh khubor u la dei iaid lynti na katei ka jaka, la lap tyngkrein ba ka lah ban long ka jingma namar ba ka don ka thliew hapdeng ka surok kaba dei shisha ka jaka iaid ki kjat kali.
Haba iakren bad ki katto katne ki nongiaid lynti, ki la pynpaw ba kane ka jingdon ka thliew ka long ka jingma ym tang ia ki kali kiba dei iaid hynrei ia ki briew ruh kiba iaid namar ba tang shu bakla, kum liat ha thliew, la jah syndon namar ba ka dei kaba heh bha ka nala.
Wat hapdeng sor, ka dang sniew kumne ka surok, pyrkhat sha jaka nongkyndong lei, ym tip shuh kan long kumno.
Ka tnad PWD ka jylla kaba peit ia kane, imat kam ju don ki nongtrei kiba peit ba haba don kum kane ka jingsniew ki surok kham tam hapdeng sor.
Katei ka surok ka dei kaba iaid ki kali ba wan na ka thain Mawlai ban mih lyngba sha Polo.