Leit kynduh myntri ka UDP ba kyntur pud ka MUDA

Shillong, 8 Naiwieng:
Ka UDP mynta ka sngi ka la leit ban ia kynduh ia u myntri ka tnad pynroi sor u bah RV Lyngdoh ban ia kren halor ka jingkyntur pud ka MUDA ha ki jaka ba hap hapoh ka jingpeit ka District Council. Ia katei ka jingiakynduh la ialam da u General Secretary katei ka seng u Dr.Jemino Mawthoh , MLA ka Nongthymmai ryngkat u MLA ka Mawlai u bah Embhah Syiemlieh.
Ki nongialam ka UDP ki la iathuh ba ki paidbah kiba shong ba sah ha khapsor ki ia kynduh jingeh namar ka jingshim pisa rem dor ka MUDA na ka bynta ban pynioh ia ka Occupancy Certificate ban shna ing, ki la ia kren ruh halor ka jingshim pisa na bynta ka Labour Cess. Hadien katei ka jingiakynduh ki la ong ba u myntri pynroi sor u la kular ha ki ba ka sorkar kan sa pynmihnoh shen da ka jingpynbna ba kan pyllait ia ki paidbah na katei ka jingeh ba kim donkam shuh ban siew pisa na bynta ban ioh ia ka Occupancy Certificate.