Pyrshah jur ki saw seng, ia ka lynti rel U Bah Pala ha EJHD

Jowai, 21 Naitung:
Ka jingpyrshang jong u Ma Vincent H Pala, u MP ka Shillong Parliamentary Consituency, ban wanrah ia ka lynti rel ia kaba la tip kum ka Lanka -Sutnga Railway Line, ka la ia kynduh mawsiang, namar ka jingpyrshah ba jur jong ki sengbhalang na Jaintia Hills.
Ki sengbhalang ba pher ba pher jong ka Jaintia Hills ki ba kynthup ia ka KSU-JHDU, ka AJYWO-Sengkmie, ka FKJGP-JHDU bad ka HNYF-Eastern Region, ki la pynpaw sha ki lad pathai khubor ia ka jingpyrshah ka ba jur bha ia ka jingthmu jong ka sorkar pdeng bad ka sorkar jylla ban wanrah ia ka Lanka-Sutnga railway ha ki thain Sutnga, East Jaintia Hills District, da ka ba ieng halor ka nongrim ba kim pat lah ban pdiang da lei lei ruh em ia katei katei ka lynti rel jong ka sorkar.
“Ngi phylla haduh katta katta ha ka jaka ba u MP jong ngi un kren ha Parliament na ka bynta ki lad jingiada ia ka jaidbynriew rit paid jong ngi kaba don mynta ha ka jingma ka ba khraw na ka jingshah wantyllep ha u mynder poi ei shi sngi, pynpan u siang ia ka lynti na ka bynta ki mynder ri bad barjylla ban ioh wan rung suk sha kane ka jylla jong ngi” ong ki nongialam jong kitei ki sawa seng.
Kitei ki saw sengbhalang ki la dawa ruh na ka sorkar pdeng bad ka sorkar jylla ban pynsangeh shwa ia ka jingthmu jong ki ban wanrah ia katei ka Lanka-Sutnga Railway, katba kim pat pynioh ia ki jingdawa jong ki lym kumta kin iaid sha khmat da ka jingiakhih kaba tyngeh pyrshah ia ka sorkar lada ka thom ia ka mon jong u paidbah, la pynkur u kyrwoh na kitei ki saw sen.