Shah dain kuna ba niah kali thurmur

Shillong, 1 Naiwieng:
Ha ka 25tarik u bnai ba ladep, la kem ia U bah Jobkupar Wahlang bad la pyn ngat ia u, ha ki kyndon U/S 184/185 Motor Vehicles Act, 1988. La pynngat ia u, ha kitei ki kyndon, da ka Lumdiengjri Traffic Branch bad ka kashari jong ka Kong L Kharshiing Judicial Magistrate First Class, Shillong, ka la dain kunai a u T.1hajar, namar ba u niah kali thurmur.
Ha kawei pat ka khubor, ha ka 25tarik mynta u bnai, la kem ia U Sibu Swargiary bad la pynngat ia u, ha ki kyndon U/S 177/185 Motor Vehicles Act, 1988, da ka Lumdiengjri Traffic Branch. La dain kuna ruh ia u, T.1hajar, lyngba ka Kashari jong ka Kong L Kharshiing. Ha katei hi kajuh ka sngi, la kam ia U Robert Lamlasuong Singson bad la pynngat ia u, ha ki kyndon U/S 184/185 Motor Vehicles Act, 1988, da ki pulit jong ka Madanrting bad ka Kashari jong ka kong L Kharshiing, ka la dain kunai T.1,000.
Ha ka 26tarik la kem ia U Richir C. Marak bad pyn ngat ia u, ha ki kyndon U/S 184 Motor Vehicles Act, 1988, da ki pulit jong ka Laitumkhrah. Ka Kashari jong ka kong L Kharshiing, ka la dain kuna T.1,000 ia u. Ha ka 26tarik mynta u bnai, la kem ia U Barimon Laloo, katba kum ki kyndon U/S 184/185/187 Motor Vehicles Act, 1988, da ki pulit jong ka Lumdiengjri bad ka kashari jong ka Kong L.Kharshiing, Judicial Magistrate First Class, Shillong Court, ka la dain kuna T.3,500 ia u.