Pynkup burom ka Kur Lyngdoh Talang ia ka Kong Ripnar

Jowai, 21 Naitung:
Ka Sengkur Lyng doh Talang kaba kynthup ia ka kur Lyngdoh Talang, ka Buam, Nongtdu, Nia lang bad ki khun ki ksiew jong ka Chyrkiang Talang Basiah, ki la pynlong ia ka jingialangbah ba 6 jong ka kur ha ka 20 tarik ha HK. Singh Memorial Secondary School, Jowai. Da ki spah ki ki khun ki ksiew kane ka kur kila wan na ki bynta bapher bapher jong ka ri Khasi Jaintia ban ia donlang ha kane ka jingialum kur.
Ha kane ka jingialang ka kur kala pynkup burom ruh ia ka kong Ripnar Lyngdoh, na ka bynta ka jingiohkiew kyrdan jong ka kum ka IAS officer jong ka sorkar India. Ha ka jingkren jong ka kum ka nongiohpdiang iaka burom ka kong Ripnar kala ai khublei iaka kur baroh kawei na ka bynta ka burom bala ai ha ka bad ka ainguh ia U Blei na ka bynta ka jingialam lynti jong u bad kumjuh ruh ka ai khublei iaki kmie ki kpa bad kiba ha iing ha sem kiba la btin bad ialam lynti iaka ba kan poi sha kane ka thong. Ka kong Ripnar Lyngdoh ka dei ka khun jong ka kong Berlin Lyngdoh bad u Rev. H.B. Syngkrem bamkwai ha duar u Blei.
Ha kane ka sngi la ioh ruh iaka jingkren na u Rev. C. Lyngdoh uba la wad bniah shaphang ka kur bad bud sa ka jingkren na ki riew rangbah jong ka kur kum u ma Jopthiaw Lyngdoh IAS, Promiwel Lyngdoh, Dr. Phervision Nongtdu bad ia ka jingialang la pyniaid da u ma Borsing Lyngdoh Talang.