Sngewkhia ka KSU ba kyrduh um ha 20Mer

Nongpoh, 01 Naiwieng:
Da kaba sngewkhia halor ka jingkyrduh um ka shnong Pahammawlein 20Mer, Ri Bhoi District, mynta ka sngi ka KSU 20Mer, Unit, ka la dawa na ka tnat PHE ba ka dei ban pynbiang um ha katei ka shnong.
Haba iadei bad kane, na ka liang u samla James Sylliang, President ka KSU 20Mer Unit bad u samla Anthony Mawa General Secretary, ki la ong ba katei ka shnong kaba don ia ka kumba 200 iing ei ei, hynrei ka long pat kaei kaei kaba sngewkhia ba na ka liang ka tnad PHE kam shym la shimkhia ban pynbiang um, namar kumba ka long mynta katei ka shnong ka don tang 2 tylli ki tyllong umdih.
Ki la iathuh ruh ba u Rangbah Shnong, u la dep ruh ban leit mih sha ophis ka tnad PHE ban iakren halor katei ka jingeh kaba la kynduh da ki paidbah nongshong shnong, namar ba ki tanky um kiba don ha katei ka shnong ki la sniew noh bad kumjuh ruh u filter ban pynkhuid ia ka um u la sniew bad khlem treikam shuh mynta la kumba shisnem, hynrei kat haduh mynta ka tnad PHE kam pat leh ei ei.
Kumta na ka liang ka KSU 20 mer Unit, kala kyrpad ia ka tnad PHE ba kan shimkhia ban peit ia katei ka jingeh ki paidbah, na ka bynta ban shna bad pynbha noh ia kitei ki tanky um bad kumjuh ruh ia u filter khnang ba ki paidbah kin lait na ka jingeh lyngba ka jingkyrduh um, kila bynrap.