Da ka VLARC ban khang lad tuh ding, ong ka MeECL

Shillong, 31 Risaw:
Ka Meghalaya Energy Corporation Limited (MeECL) ka la tyrwa ban buh noh da ka ‘Village Level Anti-Theft Committee’ ha man ki shnong ban khang lad ia ka jingtuh ding ki briew kaba buh jingeh ia kane ka tnad sam ding ka sorkar.
U chairman ka MeECL u Bah PS Thangkhiew u la ong ba ka tnad ka la tyrwa ban buh noh da ka ‘Village Level Anti-Theft Committee’ khnang ban iatreilang bad ki bor pyniaid shnong ban khang lad ia ka jingtuh ding ki briew.
Kane ka komiti kaba la thmu ban thaw, kan kynthup ia u Rangbah Shnong, ki briw na ka MeECL bad ki bor synshar na district.
Kane ka komiti kan nym peit ioh don kiba tuh ding hynrei kan peit ruh ia ki jingtreikam jong ki transformers, ki waiar bad kiwei kiba don hapoh ka jaka jong kata ka shnong.
“Lada don kano kano ka jingpyntip ba don kano kano, ka MeECL ka dei ban leh wut wut ban iada na kano kano ka jingjia”, u la ong.
U la ong la bynshet ha u SDO ka MeECL ban peit ia kane khnang ba kan nym don shuh ka jingjia hadien habud.