Hiar shuki u heh FKJGP Mawthadraishan

Shillong,21 Naitung:
U President jong ka FKJGP,Mawthadraishan Circle u Bah HB Wahlang uba la ju tip kum u Bah don wahlang mynta ka janmiet u la pynbna ba u la ieh noh ia katei ka kam ba u bat bad ruh kumjuh ia ka FKJGP ha kaba u la pynbna ba u la ieh ia katei ka kam na kid aw ki bym lah kiar. Kumjuh ruh nalor U President ka FKJGP la ioh ruh ki jingpynbna ia ki jingiehnoh ia ka seng na ki dkhot jong ka Nonglait Unit na ki juh hi kid aw ki bym lah kiar.
“Ngim lah shuh ban dang bteng ki jingiatreilang bad ka seng FKJGP ha ki por ban dang wan na ki daw bym lah kiar. Kumta ngi la rai ban weng noh shi-syndon na ka seng naduh mynta ka sngi, bad ngi kitbok kitrwiang ba ka seng kan dang ïai kiew irat ha ki por ban dang wan,” ong u Bah Don ha ka kyrwoh ba la pyllait mynta ka janmiet, hynrei utei u samla u la kitbok kit rwiang ia ka seng ba kan nang kiew shaphrang ha ka jingtreikam jong ka na ka bynta u paidbah bad ka jaitbynriew.
Kum ban shu pynkynmaw ba shipheew sngi mynshuwa, ki dkhot bad ki nongkitkam jong ka seng FKJGP,Mairang Circle ki la iehnoh kam lut da kaba khylliap lama noh ia katei ka seng ha Mairang bad tang hadien katto katne sngi la seng biang bad la jied ia ki nongkitkam ba thymmai jong ka Mairang Circle.