Bitar ka UDP Mylliem ia ka Assam

Shillong,21 Naitung:
Ka UDP Youth Wings lyngba ka kyrwoh ba la pyllait paidbah da u President jong ka u Bah Hamlet Dohling ka la pynrem jur ia ka jingleh riewkhlaw jong ka sorkar Assam da kaba iai bteng ban pynjot pynpra ha ki thain khappud ka jylla bad ka Assam. Ha ka juh ka por ka UDP ka la dawa ruh na ka sorkar Assam ba ka dei ban siew bai lut ksan ia ka jingpynpra pynpra jong ka ia ka skul Lower Primary school kaba don ha Sabuda kaba hap hapoh ka Raid Nongtung, Ri-Bhoi District.
Ka UDP ka la dawa ruh ia ka sorkar jylla ba ka dei ban leheiei halor katei ka jingleh jong ka sorkar assam ym ban shu sngap bad ban shu peitkai namar kane ka jingleh kam dei shuh kaba phyla hynrei ka dei kaba iai jia na ka por sha por.