Shaiong ka UDP,ba pyut ki kali saw

Shillong, 27 Risaw:
Ka UDP Shillong city ka la pynpaw ia ka jingsngew shaiong ngain ban iohi ba ki kali saw (SPTS) kiba pyniaid ka sorkar ban kit briew ha nongbah Shillong, ki la kylla pyut pynban ha jaka set.
Ha ka jingpynlait khubor mynta ka sngi, ka UDP Shillong City lyngba u Allantry Franklin Dkhar u General Secretary u la ong ba ka party ka sngew lyngngoh shibun ban iohi ia ka jinglong ki kali saw kynthup ki bos bad taki kiba shu shong ei khynreng ha kaka buh khlem pyndonkam, ha jaka ban iaid ban ieng ban kit ia ki nongleit nongwan.
U la ong ba ka jingduna ki kali ban kit ia ki nongleit nongwan la iohi ba ki duna bha bad la iohi ba ki nongleit nongwan ki la thngian ban ap kali na Motphran, Khyndailad bad Laitumkhrah.
Ha kawei ka liang, ka Shillong City District ka UDP kan pynlong ia General Council ha ka 29 tarik Risaw ha Deva Kumar Das Memorial Hall ha Sankar Dev College por 10 baje emynstep bad ha kane ka jingialang kan iakren ia ki mat ba ktah ia ki paidbah.