Wad briew ka SC ban sieh dkhot ha ka Human Commission

Shillong, 27 Risaw:
Ka Select Committee (SC) kaba la khlieh da u Myntri Rangbah Dr Mukul Sangma ka la wad briew shuh ban sieh dkhot ha ka Meghalaya State Human Rights Commission (MSHRC) bad ka la bthah ia ka tnad Political ban iit briew na ka bynta kane ka ka.
Haba kren mynta ka sngi hadien ba la wai ka jingialang, u Myntri Rangbah la ong ba ka Commission ka donkam shuh sa uwei u dkhot ban thung bad la bthah ia ka tnad Political ba kan leh ia kane ban phah ia ka kyrteng sha ka Committee ba kan leh ia kaba donkam.
Ka sorkar jylla ka la pynmih ia ka jingpynbna ban thaw ia ka Commission ha ka 7 tarik Jyllew ha kaba u Chief Justice barim u Aftab H Saikia u la shah thung kum u Chairman bad u DGP barim u Bah PJP Hanaman kum u dkhot.
U Aftab H. Saikia u dei u Chief Justice ka High Court ka Jammu & Kashmir, u la long teng ruh u khlieh ka Assam State Human Rights Commission.
U Dr Mukul u la ong ba ka Committee ka la pyndep ia ki jingdonkam baroh ban ioh ia u chairman bad ruh ia u dkhot.
U la ong ba ia mynta, ki don tang ar ngut ki kyrteng bad ka donkam sa uwei ban long u dkhot katkum ki kyndon.