Weng ka RBYF, ar ngut ki dkhot

Nongpoh, 19 Naitung:
Ka Ri-Bhoi Youth Federation (RBYF), hynne ka sngi ka la pynbna syndon ba la weng noh ia ar ngut ki dkhot nongia lam jong ka, hadien ba ka la shem ia ka jingbym lah jong ki ban ai ia ka jingiatreilang bad ka seng ha kiba bun ki liang. Ki ar ngut ki dkhot ka seng ba la shah weng noh hynne ka sngi, ki kynthup ia u Bah Esting Kharkrang, General Secretary ka Umsning Circle bad ia u Bah Kyrshan Makdoh, President ka Nongthymmai Unit, uba long ruh u EC Member ka Umsning Circle.
Ki nongialam ka RBYF hynne ka sngi ki la ong ruh ba ka jingweng noh jong ka seng ia kitei ki ar ngut ki dkhot nongialam jong ka, ka long ba kim ju lah ban ai ia ka jingiatreilang bad ka seng ha kiba bun ki liang bad ki ju mlien ruh ban leh pyrshah haba don kino kino ki ishu ba ka seng ka ieng na ka bynta ka Ri bad ka Jaidbynriew.
Kumta ka seng kam kwah ban don ki bun ki dkhot ba tang ka kyrteng khlem pyni pat ia ki kam jong ki ha kiba bun ki kam ba ka seng ka ju iaid shakhmat na ka por sha ka por, la ong ki nongialam ka RBYF.
Kat kane ka ishu MUDA, hynrei kitei ar ngut ki la shu shong kli kti khlem treikam ei ei bad ki la iaid kiar ruh na kiwei pat ki dkhot ka seng, wat haba la syllok bad ki bun sien, la ong shuh shuh ki nongialam, dei halor kane ba ka seng haba ka la iohi ba ki shu shong kli kti, kam banse ban phah shong ben noh ia ki naduh mynta bad kim don hok shuh ban kam ba ki dei ki dkhot ka RBYF nangne shakhmat.
Ha kajuh ka por, ka seng ka la ong ruh ba kane ka dei ka jingsneng ia kiwei pat ki dkhot bym treikam ka seng, lada lap ia kino kino kiba leh pyrshah kita ruh kin ngat ha kajuh ka apot shah beh seng, ki la bynrap shuh shuh.
Ka seng ka pynbna ruh ba kane ka long ka jingpyntip sha baroh ba kitei ki ar ngut kim dei shuh ki dkhot ba pura ka seng naduh mynta ka sngi bad kim lah shuh ban kam ialade ba ki dei ki dkhot ka RBYF la ka long haba ki leit donkam ha ki ophis sorkar ne sha ki paidbah, la ong ki nongialam.