Kyllon iap u snar GNLA, kurup bun ki tiar siat

Tura, 26 Risaw:
Uwei u dkhot jong ka GNLA u la kyllon iap ha ka jingther kuli kaba la neh shi kynta duna bad ki pulit. Ki pulit ki la ioh jingtip kaba thikna ba ki don ki dkhot ba lapait na ka GNLA kiba thmu ban thaw ktem ha ki thaiñ ka Nangalbibra, South Garo Hills,kumta ki la hiar sha katei ka jaka ban leit khynra.
Ka jingkhynra ka la sdang ha ka por 10 baje mynstep bad ha ka por 11 baje ka la mih ka jingiather kuli kaba mar kylliang kaba la neh kumba shi kynta duna, hadien katto katne por, katei ka kynhun kaba la suba ba ka dei kaba ialam da u Salman u Area Commander barim ka GNLA, hynrei uba laphet seng noh ban seng la ka jongka kynhun.
Hadien ba la kynjah jar,ki pulit ki la rung ha katei ka jaka ia siat bad ki lalapia kawei ka metiap jong uwei u dkhot uba thiah lyngkrang ryngkat ka AK Rifle kaba u bat ha kti,ki pulit ki la ioh kurup bun ki tiar siat kiba khlain bor kum ka HK Rifle, ka SLR, ka Magazine, ki kuli, mobile bad kiwei pat kynthup ki shithi dawa pisa ka GNLA.