Byrngem pyniap U Sohan ia ki nongialam niam

Tura, 23 Risaw:
Ka Garo National Liberation Army (GNLA), ka pyndonkam da ki social media ban khring ia ki samla ba kin pyniasoh bad katei ka seng kaikhlaw bad katei ka seng, ka byrngem ruh ia ki nong-ialam balang bad ki seng-bhalang, kiba khanglad ia ki samla ba kin pyniasoh ialade bad katei ka seng kaikhlaw, ong ka khubor.
Ki pulit jong ka North Garo Hills, ki iathuh ba ki dkhot jong ka GNLA, ki ju pyndonkam da ka Facebook, WhatsApp ban khring ia ki samla bad la iathuh ba mynta, ki la lap ruh ia uwei u samla, uba 22snem ka rta, U Bukarstone G. Momin of Bajengdoba, ha kaba u pynrung dkhot ia shibun ki samla, kiba na Rari, Gokol, Mendal bad Raja-Apal. La iathuh ruh ba uwei na ki nongaiktien jong ka GNLA, U Gongbin Marak, ula byrngem ia kiba bun ki nongialam niam bad ki nongialam sengbhalang, kiba khanglad ia ki samla ba kin leit sha katei ka seng.
Ha kitei ki jingthoh, la byrngem ba u nongialam ba heh duh ka GNLA, U Sohan D Shira un phah ia ki briew jongu ban pyniap ia kito kiba ialeh pyrshah ia u bad kiba donkti ruh ha kaba pynlong ia shibun ki dkhot, ba kin pyndem wait noh ialade bad la iathuh ba ka GNLA, ka dang thwet jur ruh mynta ia ka Jaynie N Sangma, kaba dei ka nongialam jong ki seng kynthei ha Tura, namar ba ka dei kaba don bynta ban ialam ia ki samla, ba kin pyndem wait ialade.