Hap ka trok ha Riat Rngaiñ, iap 2

Shillong, 23 Risaw:
Mynhynnin ka sngi ha ka por 1 baje nohphai sngi kawei ka trok kaba kit maw maw na Ryng-ngaiñ ban leit sha Pynursla-Dawki ka la hap ha ka riat Ryng-ngaiñ kaba jrong kumba 400 phut eiei. Ha katei ka jingjia ar ngut kiba don hapoh ka trok ki la iap ha shen.
Uwei na kiwei kiba la iap u dei u bah Khrawbor Syiem-Shangoi khun jong u bah Telsong Marngar ba shong ba sah ha Nongkasen bad uwei pat dei u bah Banteiskhem Kharngi khun jong ka Lina Kharngi na Nongkasen.
Katei ka trok kaba la hap shariat ka dei kaba don ia u nombar ML-09A-4398. Ia kitei ki ar tylli ki metiap la pyniti sha Civil Hospital na bynta ka Post Morten hynrei la pyllait noh ia ki na ka post Mortem bad la aiti sha ki bahaing hasem.
Haba ia kren bad u bah Rymbai OC ka Pynursla PS u la iathuh ba haduh mynta ym pat shym la lah ban sei ia ka trok namarba ka la hap ha ka riat kaba jylliew bha bad ka la pra lyngkhot lyngkhai. U la iathuh ba ki briew kiba don ha katei ka trok ki la sahkut ha shiteng riat , ia uwei la sei ha ka por 5 baje janiet katba ia u wei pat la sei ha ka por 6 baje janmiet.