Pynmih skhim ka sorkar ia ki nongshna kti

Shillong 21 Risaw:
Ka sorkar jylla ka la pynmih ia ka khusnam ka Meghalaya Arts Award na ka bynta ban ai sha ki briew ba don sap ha ka kam shna kti, oh shrong oh shrup ban pyntreikam da ka tnad Arts and Culture ka jylla.
Ia kane la iathuh da u Myntri Rangbah ka jylla u Dr Mukul Sangma haba kren hadien ba la wai ka jingialang ka kynhun myntri hynne ka sngi.
U la ong ba kane kan long ia ki riew shimet ha kaba ki lah ban aplai lyngba kane ka tnad sorkar bad kan don ruh ka skhim ka Meghalaya Arts Award Scheme kan treikam noh naduh ka snem mang tyngka ban wan.
Kane ka skhim ka long shi bynta ban kyntiew ia ki briew ba don sap ha kane ka liang khamtam ban pynneh pynsah ia ki jinglong hyndai ioh kin jah noh namar ba ki long kiba kordor.
“Ka jingiarap kan long ha ka dur ka grant ha kane ka skhim ban pynneh pynsah bad ban kyntiew ia kane ka bynta.