Hadien ba pyniap, phasi ki runar

Jowai, 20 Risaw:
Ki pulit ka Ummu-long Police Outpost, West Jaintia Hills da ka jingiarap ki paidbah ki la ioh ban tam ia kawei ka metiap kaba la sdien phasi ha kawei ka jaka kaba la tip kum ka Dong Rashi ha shnong Mookyndur kaba jngai kumba jngai 400 mts na surok bah.
La iathuh ba katei ka metiap kadei jong uwei u bar jylla uba la tip kyrteng kum u Sujit Roy uba na Cachar Valley. Katkum ka khubor na ki pulit, la iathuh ruh ba ia utei u briew la dep ban bom ban shoh haduh ban da jngem lut ki khmut ki khmat bad ki runar ki sa rah ban sdien phasi ia ka metiap jong u ha katei ka jaka.