Ujor ki samla wad kam bad U MLA sha U DC Nongstoin

Nongstoiñ, 17 Risaw:
Ka jingleh thurmur jong ka District Selection Committee (DSC) West Khasi Hills, ha kaba iadei bad ka rukom pyniaid ia ka iakob ia mareh,na ka bynta ki samla kiba aplai iaka kam Demonstrator (Soil and Water Conservation), kala pynlong ban mih ka jingia klumar ha kaba da ki spah ngut ki samla kiba applai ia katei kam ha ka 6 tarik ki la kyntait syndon ban leh ia katei ka physical test.
Hadien katei ka jingiaklumar na ka liang jong ka DSC ka la pynsangeh noh ia katei ka jing ia kob ia mareh, kaba la neh ruh mynta la kumba 12 sngi, kumta na ka liang jong ki samla wad kam ryngkat ka jingiasynran lang u MLA ka Nongstoin u bah D.Jyndiang mynta ka sngi ki la leit ban buh bad aiti ia ka jingthoh sha u Deputy Commissioner ka West Khasi Hils District u bah S.Kharlyngdoh u balong ruh kum u Chairman ka District Selection Committee , WKH.
Ha katei ka jingthoh kaba la aiti sha u chairman ka DSC, WKH la pynpaw ia ki saw tylli ki mat ba kynthup ba ka DSC kan hap ban pynmih noh shwa ia ka result jong ka eksamin thoh, shuwa ban leh ia ka iakob ia mareh, kumjuh ki la dawa ruh ba ka DSC kan pynbiang ruh ia ki Admit card na ka bynta ki candidate ba poi sha ka iakob ia mareh.
Ha kaba iadei pat bad ka por ban mareh ia ka ia kob ia mareh,ki la dawa ba ka DSC kan ai ia ka por kumba long ha ki wei pat ki District kata 10Km, bad ka mat kaba khadduh pat kalong ba ka DSC ka dei ban phah ia ka shithi sha baroh ki nong wad kam kiba la shah jied (elected candidate) na ka written test ha ka por ba kylluid.
Ha katei ka jingleit ia kynduh ia u DC ka WKH la iadon lang ruh ki nongialam ka seng HYC, WKSU Nongstoin Circle bad ka WYF sengkmie ha kaba kila ban jur ba nang ne sha khmat kum ki tei ki jingjia lane ki kynrum kynram kim dei ban jia shuh ha ka DSC, WKH, namar tang ka jingleh thurmur jong ka tnad DSC ka pynmih ia ka jingbym hun ia ki nongaplai kam kaba la pynsuba sniew ruh ia kiba bun balang.
Na kaliang jong u DC ha kaba iadei bad kitei ki mat bala wan ban buh da ki samla wad kam ha ryngkat u MLA ba ki kynhun sengbhalang, u la kular ban un sa shimkhia ban leh ia kiba donkam.