U bah Pyndap na Mawthadraishan

Shillong , 17 Risaw:
Ka KHNAM ka la pynbna ia u kyrtong jong ka, na Mawthadraishan konstitwensi u ban ia khun ha kane ka elekshon MDC shiteng samoi, utei u kyrtong u dei uba la tip kyrteng kum u bah Pyndapbor Lyngdoh Marshillong. U Working President ka KHNAM u bah Adelbert Nongrum u la pyntip ia ki kyrtong kiba kwah aplai tiket ha kane ka elekshon shiteng samoi na ki konstitwensi kiba lait ba ka dang pdiang haduh mynta ruh.
Haba iakren bad u Bah Pyndapbor u la iathuh ba mynshwa u dei u briew jong ka HSPDP hynrei hadien ka jingkhlad noh u Bah HS Lyngdoh u nongialam ba la slem ia ka seng bad ka jaidbynriew u la mih noh hadien ba kine ki nongialam ba mynta kim lah ban ialam ia ka seng bad ia ki nongkyrshan. “Ka jingjied jong nga ia ka seng KHNAM ka dei ka seng kaba iakhun ia ka jingeh jong ki paidbah khamtam ka jingshah thombor ia ka jaidbynriew ha kine ki sngi” u la ong. U la iathuh ba u kyrmen ba rah ia ka jingjop namar mynta kin iakhun tang ki briew kiba thymmai bad u kwah ba lada u jop un wanrah ia ki kam kaba ki paidbah ki angnud.