Ai hok ia ka bhah jong ki Scheduled Tribe, ong ka PC

Shillong, 17 Risaw:
U Chairperson ka Parliamentary Committee halor ki Scheduled Tribe u Dr Kirit P Solanki u la ong ba ki tnad sorkar jylla ki dei ban ai hok ia ki bhah ba dei hok jong ki Scheduled Tribe ha kane ka jylla khlem da pyndonkam bakla.
Ka Dong Mihngi ka dei kaba bun eh ki nongshong shnong ba dei ki Scheduled Tribe, ha kaba ka sorkar pdeng ka la ai shibun ki jingmyntoi.
Ka kynhun jong kane ka komiti hapoh ka jingialam u chairperson u Dr Kirit P Solanki ka la wan poi ha ka nongbah ban bishar bniah ia ka jingiaid ki kam kiba iadei bad ka jingbit jingbiang jong ki jaitbynriew Scheduled Tribe.
Ha kane ka jingwan jurip, ki dkhot kane ka komiti, ki la pynlong ia ka jingiakynduh bad ki ophisar sorkar kynthup ka North Eastern Council (NEC), Industrial Development Bank of India (IDBI) bad ka North Eastern Electric Power Corporation Ltd (NEEPCO).
U Dr Solanki u la ong, “Ka komiti ka wan hangne ban pule bniah ia ki kam pynroi bad ka jingbit jingbiang jong ki Scheduled Caste bad ki Scheduled Tribe”.
U la ong ba la ioh ia ka jingai jingmut na ki tnad sorkar kum na ka NEC halor kumno ban pynbha ban kyntiew ia ki kam ba iadei bad ki SC/ST ha kane ka Dong Mihngi. Ka bhah kam bhah jam ha ki tnad sorkar ia ki SC/ST dei ban pyntreikam hok”, u la ong.