“Phin sa iohi ia ki kam phylla ka KHNAM”

Shillong, 16 Risaw:
“Phin sa iohi ia ki kam phylla kiba ka KHNAM kan pyni ha kine ki sngi” ong u bah Adelbert haba ia kren bad u Rupang mynta ka miet. Katei ka jingkren u bah Adelbert ka dei halor ka MDC shiteng samoi ka ban sa long ha ka 13 tarik u nohprah, 2016.
U bah Adelbert u la ong ba ka KHNAM kam kwah ban wad kyrtong kyrkieh hynrei ka kwah ban leh jai jai naba ka kwah ban wad sani bha da u briew u ban ym kynthih noh shawei tang hadien shisngi ar sngi. Hynrei u la ong ba ka KHNAM kan pynieng kyrtong ha baroh 6 tylli ki konstitwensi.
Kumba ka long mynta ka KHNAM ka dang pynbna kyrtong dang Laban konstitwensi bad mynta ka la ioh kyrtong sa na Mawthadraishan, ong u bah Adelbert bad shen ha kine ki khyndiat sngi kan sa pynbna ia ka kyrteng utei u kyrtong.