17 tarik yn shong kyraiñ ki nonghikai Garo

Shillong,13 Risaw:
Ki nonghikai ha ri Lum Garo kiba don hapoh ka kynhun All Garo Hills Primary School Teachers’ Association (AGHPSTA) ki la rai ban shong kyraiñ hakhmat ka ophis u DC West Garo Hills ha ka 17 tarik mynta u bnai namarba ka sorkar kam shym la shah shkor ia ki jingdawa jong ki.
Kitei ki nonghikai kham mynshuwa ki la ai por 15 sngi ia ka sorkar ba kan pynurlong ia ki jingdawa jong ki, katto katne ki jingdawa ki long ba ia ki nonghikai kiba la thung da ka sorkar ym dei shuh ban phiah sha ka thup Government bad non Government bad ym dei ban pynkynriah kam ia ki nonghikai na kawei ka District sha kawei pat.