Ka thup kyrteng thep vote ha Nongkrem, Laban bad Sohiong

Shillong, 12 Iaiong:
U Returning Officer & Deputy Commissioner, District Council Election, East Khasi Hills District, Shillong u la pyntip ba ia ka Electoral Roll (Draft) jong ka 8-Nongkrem, 15-Laban bad 22-Nong spung-Sohiong District Council Constituencies la dep pynkhreh katkum ka Rule 129 (3) jong ka Assam Meghalaya Autonomous District (Constitution of District Councils) Rule 1951 (Parts I, II & III), kumba la pynbeit thymmai da ka Khasi Hills Autonomous District Council. Lah ban ioh kopi ban peit bniah na ka ophis jong u Returning Officer & Deputy Commissioner, District Council Election, East Khasi Hills District, Shillong ,ophis u Branch Manager, State Bank of India, Smit, ophis u Officer In-Charge, Rilbong Police Beat House bad ophis jong u Block Development Officer, Mawphlang C & RD Block ha ki sngi longtrei.
Ka tarik ban shim ia ki kyrteng ki nongthep vote ka long na bynta kiba kot 18 snem ha ka 1 tarik u kyllalyngkot ,2016. Kino kino kiba kwah pynbeit lada don jingbakla lane kiba kwah pynrung kyrteng lada ym pat mih kyrteng ki lah ban leit sha ophis jong u Deputy Commissioner bad Returning Officer, East Khasi Hills, Shillong, Room No 204 kumjuh ruh ha kitei ki ophis ba la kdew haneng naduh ka 10 tarik u risaw haduh ka 25 tarik u risaw. Ia ka jingujor jong ki yn pyndep shuwa ka 15 tarik u naiwieng katba ia ka thup kyrteng kaba khadduh na bynta ka elekshon sha ka District Council yn pynmih ha ka 18 tarik u naiwieng.