Pyrshah ka HANM ia ka Dalmia kompeni

Shillong, 12 Risaw:
Ka seng Hynniew-trep Achik National Movement East Jaintia Hills, ka pyrshah jur iaka jingthmu pynlong jingialang paidbah ka kompeni Dalmia,kaba pynmih dewbilat na ka bynta ban sei mawshun ha ka shnong Thangskai East Jaintia Hills.Kate ika seng ka dawa ba ka sorkar ka dei ban ai jingshai ha kano ka nongrim ka ailad ia katei ka kompeni ban pynlong ia katei ka jingialang pynsngewthuh paidbah na ka bynta ban khlong mawshun ha ka shnong Thangskai. Kala dawa ruh ba ka sorkar ka dei ban pynsangeh ia katei ka jingialang ba la thmu ban pynlong ha ka 25 tarik mynta u bnai.
Katei ka seng ka la ong ruh ba baroh ki kompen pynmih dewbilat kiba don ha East Jaintia hills kim pat ioh ia ka Clearance Certificate na ka Ministry of Forest & Environment bad kumjuh ruh ka Joint Inspection Team ,hynrei ka sorkar ka sngpa jar jar, ong ka kyrwoh na u bah Ency Shadap President EJH. U President ka HANM Jaintia Hills u bah Shaniah Suchen u la ong ba katei ka seng kan ym shah da lei lei ruh ban pynlong ia katei ka jingialang lymda ioh jingpynshai na ka sorkar.