U Bah Phret u kyrtong shimet na Sohiong

Shillong, 10 Risaw:
U Bah Phret Maw-long na shnong Mawlai-teng ka thain Diengiei u la rai ban mih madan ha kane ka elekshon MDC shiteng samoi na Nong-spung – Sohiong kum u kyrtong shimet.
U Bah Phret u dei u nongialam ka Congress na Mawlaiteng hynrei um banse ban risain noh na kane ka seng namar ka jingshah synshar donbor kaba la tap lup hano re hano, la ong u Bah Phret ha ka kyrwoh khubor ba pynlait ha kane ka sngi Nyngkong.
Ka elekshon MDC shiteng samoi kan long ha ka 13 tarik Nohprah 2016.
U la ong ba ka nongrim kaba u la rai ban mih madan ka long kumno ban pynjanai a ka tynrai, ym ban pynkylla ia ka tynrai ia kaei kaba u Ni u Kong bad u longshwa manshwa ki la leh bad saindur. “Ka District Council ka dei ka stieh, u MDC u dei u nongialam bad u paidbah u dei u shipai, lada ngi ioh da u nongialam u bym ler lane uba khawpud, shano kita ki shipai kin poi”, la ong u Bah Phret.