Iakynduh ki UPS School

Nongstoin, 10 Risaw:
Ka kyrwoh khubor ba la phah da u Bah D. Marbaniang bad Bah HS Myrthong kiba dei ki President bad Secretary jong ka Synjuk ki S.M.C. ka iathuh bad iawer ia baroh ki UPS School SSA hapoh u D.I. Nongstoin ba kin iawan khnang khnang ha ka 14tarik Risaw 2016 hapoh Free Morning School (Lad Rambrai) na ka bynta ban iakren ia ka kam jong u 4th Teacher.
Ka Synjuk ki SMC ka pynpaw ia ka jingsngewnguh ia ka Education Department kumjuh ruh u Dr. Mukul Sangma Chief Minister ba ki la ai ka jingmut kaba shai halor u 4th Teacher ba dei ban pynkynriah noh mardor na ki UPS SSA sha ki LP School. Kumta ka SMC Association ka shimkhia ia kane ka kam bad ka Seng kam sa leit rah sha ka Sorkar ia ki jingai jingmut hadien jong kane ka jingialang.