Haba kyntait ki taksi, phone sha ki pulit

Shillong, 7 Risaw:
Ki pulit ka nongbah Shillong, ki la khang pyrshah ia ki kali kamai nongkyndong kiba wan kamai hapoh ka Nongbah ha kine ki sngi ba la leit ka la ioh ban bat ia 29 tylli bad ka la ioh ban dain kuna ruh haduh Rs. 11,300 tyngka . Da kane la pyntip ba ki kali kamai rong jyrngam bad rong lieh kin kamai tang ha ki nongkyndong bad ki lah ban wan buh tang ia kiba shong na ki nongkyndong sha shillong bad kin wan phai pat ha ki jaka ba ki kamai, bad la khang ba yn nym shah ba kamai hapoh ka nongbah.
Ha kajuh ka por, ki pulit ki iathuh ba ki la ioh ia ka jing ujor ka jing wan ud na u paidbah ba bun ki kali kamai hapoh ka nongbah wat lada ym don briew ki nud ban kyntait ban pynkiew ia ki nongshong kali hapoh ka nongbah. Te la kyrpad ia ki nongshong kali lada ki shem ia kum kane kajuh kin shim ia u number kali bad pyntip kloi kloi sha ki pulit ba kin leh ia kaba donkam lane sa phun ha kine ki nimber 0364-2226042/ 0364-2222277.