Ioh nongkitkam thymmai ka Mookyndur

Ha shwa ban jied ia kine ki nongkitkam shnong na ka liang jong u Dolloi jong ka Elaka Jowai U Puramon Kynjing u la ai shwa ia ka jing kyntu kynpham ha kaba ia dei bad ka imlang sahlang ,ka shynshar ka khadar kumno im khuid im suba ha kaba ia dei bad ka kam shnong kam thaw khnang ba kin wan rah ia ka roi ka par hapoh shnong poh thaw khnang ba kiwei ruh ki lah ban peit ia la rukom long rukom im jong kane ka shnong,shuh shuh u la ong ruh ba kum ki nong shongshnong ki dei ban don ka jingiatylli ha kano kano ka kam babha jong ka shnong bad ban don ruh ka jingiatrei lang bad ki nongkitkam shnong khnang ba kan long ka shnong kaba phuh ba phien . Bad ha ka juh ka por ruh na ka liang u Dolloi u la pynshai ruh ia ki paid nongshong shnong ba ym dei ban iaid lait ia ki ain ki kanun kiba la buh da ka District Council ha man la ki shnong bad da kaba u pule ruh ha khmat ki paid jong ka ne ka shnong ia kane ka ain kaba la buh ka District Council . Ki nongkitkam shnong kiba la jied ha kane ka sngi ki long Rangbah Shnong bah Ninderson Suting Ast Rangbah Shnong – Ebris Pariat, Secretary – Nebarwell Kharbithai , Ast Secretary –Lung Khynriam, Treasurer –Eldinsing Mukhim Chairman –Ebarwel Mukhim bad ki Executive Committee.