Lait phet u suba HNLC, na NEIGHRIMS, shah kem 2 ki pulit

Shillong, 17 Naitung:
Uwei u suba dkhot ka HNLC ba set phatok u la shah kem biang mynta ka sngi hadien ba u la lait phet mynta ka step.
U suba dkhot ka seng lehnoh HNLC u Pyrnailang Swer (32 snem) u la shah sumar ha NEIGHRIMS, Shillong u la lait phet ha ka por 8:30 baje mynstep na jaka sumar.
Halor kane, ar ngut ki pulit ba ap ia u, ki la shah kem lang halor ka jingsuba jur ba ki donkti ban pynlait ia utei u suba dkhot ka HNLC. Kine ki ar ngut ki long u Meytush Sangma bad u Sanborlang Shylla. La pynlong ka jingtohkit kaba jur ia kine ki ar ngut ruh, la ong u SP ka East Khasi Hills. “Ia kine yn leit rah sha Kashari lashai ka sngi”, la ong u SP.Ha kawei pat ka jingjia, ki pulit ki la pynshisha ba u Coniwell Thabah uba la jah na 12 tarik Naitung la lap ia ka met jongu na Umlyngka katba ia ka kali ba u niah, la lap na Lumawmbah ha ka 15 tarik Naitung. Une u briew la suba ba u la shah pyniap dusmon bad ki pulit ki la pynlong ia ka jingtohkit halor kane ka jingjia.