Pynkut ka High Court ia ka jingbishar sia lieh

Shillong, 03 Risaw:
Ka Meghalaya High Court mynta ka sngi, ka la pynkut noh ia ka jingbishar ia ka ejahar halor ka kam sia lieh ne ka bamsap thungkam nonghikai LP Skul ha ka jylla halor ka nongrim ba kane ka mukotduma ka dang don ha ka kti ka Supreme Court.
Haba bishar mynta ka sngi, u nongbishar S R Sen u la pynkut noh ia kane ka mukotduma ba la ujor ejahar ka Kong Agnes Kharshiing halor ka jingbym leh eiei ki pulit bad ban aiti ia kane kam ha ka jingtohkit ka CBI.
U nongiasaid ain ka Kong Kharshiing u la pan ia ka jubab halor ka affidavit bad u nongiasaid ka CBI u la kyrpad ba kane ka mukotduma ka dang plie, hynrei ka Kashari ka la pynkut namar ba u Commissioner ka tnad kam pohiing u EP Kharbhih uba dei ruh u dkhot ka High Level Scrutiny Committee u la thep da ka Affidavit da kaba ong ba kane ka mukotduma ka iasyriem ha ka jinglong jong kaba dang don ha ka Supreme Court. Na ka liang ka Kong Kharshiing ka la ong ba ka don jingthmu ban ujor biang halor kane.
“Ngam pdiang ia ka dorkhas namar ba kane ka kam ka don ha kti ka Supreme Court bad kan wanrah ia ka jingbishar kaba bym ryntih”, la ong u nongbishar SR Sen.
Ha ka kaiphod tohkit ka CBI, na ki 350 ngut ki kyrtong ba iakhun ia ka kam nonghikai LP skul kum ki Assistant teacher, 255 ngut la ai jingthoh da ki