Ioh pyllait ia ka khynnah ba shah rahbor

Shillong,3 Risaw:
Ha ka 14 tarik u nailur ki pulit ka Pastuer Beat House ki la ioh jingujor ba kawei ka khynnah kynthei kaba dang rit ka rta ka la jah na la ing bad ki bahaing ki la suba jur ba la rahbor da u Anil Haque uba sah ha Pynthorumkhrah. Mar mar ki pulit ki la buddien ia katei ka kam bad ki la lap ksai ba utei u briew u don sha Assam, mar mar ki la hiar sha Barundanga PS kaba hap ha Tamarhat Dhubri, Assam.
Haba la poi ha Barundanga , ryngkat bad ki pulit Assam ki la khynra ha ka por shiteng miet bad ki la ioh ban pyllait ia katei ka khynnah. Marsien iohi ia ki pulit u Anil u la phet krad sha ki phang ba don khlaw hynrei la ioh bat noh ia u.
Haba ki pulit ki kylli jingkylli ia katei ka khynnah ka la shah pynbor ban shongkurim bad u Anil, ka jingtohkit bniah ia katei ka kam ka dang iaid.
Ia ka kynhun ki pulit la ialam da u SI K.P Singh na Pastuer BH ryngkat ki nongbud jong u ha ryngkat ka jingiarap ki pulit Assam.