92percent pass BA na Riwar Kolej

Shillong, 17 Naitung:
Ka seng Khasi Ri war Mihngi Pynursla kala lah ban pyn pas haduh 92 percent ha ka resol jong ka BA final ba la pynlong da ka NEHU mynta u snem. Kane ka kolej kaba la plie ha 2009 kala ioh ruh 90 percent ha ka BA 1st yr bad 95 percent ha ka BA 2ndyr.
Ha u snem 2012 kane ka kolej ka la ioh 95 percent ha ka BA final bad 100 percent ha ka BA 2nd yr.
Ha ka kyrwoh ba la pyllait da u Secretary Governing ka Kolej ka jingleit pule ha Riwar Kolej ka la long ka jingkyrkhu ia ka thain ha kaba kiba duk kiba jynjar, ba treikam bad ki bym ioh lad ban pule ha sor Shillong kila ioh lad bad ki pas bha man la u snem. Ka jingsiew ka long kaba tad tam haba ia nujor bad kiwei kiwei ki kolej ha Meghalaya bad ki lah ruh ban siew katba ioh bor ban siew lai ne saw sien. La ju shah ruh ban siew da ki la ioh ka Scholarship namar ba ka Scholarship ka kham heh ban ia ki jingsiew ha ki kolej.
Na ka liang ki kolej kala ai khublei nyngkong eh ia ka Seng Khasi Kolej Shillong ka bala kloi ban kdup ia ki samla pule ha ka thup jong ka, ka Dorbar shnong Dusaw Rangthylliang, Pynursla ka ba ai jaka ban pynlong klas, ia ki Nonghikai kiba na ka thain bad na sor ki ba la aiti met bad mynsiem ban shakri ia ki samla pule khlem thait.Kala ai khublei ruh ia kito ki dkhot bad ki riew don mynsiem ban kyrshan ia kane ka kam ba khraw.
Kum ban shu pyn kynmaw hangne ba ka kolej kam pat ju ioh jingiarap eiei na ka liang ka sorkar, ne na ki nongmihkhmat ne na kino kino ki kynhun. Hynrei la shu kyrshan borbah da ka jingaiti ki nonghikai bad ki nongkyrshan ba don mynsiem ban pynroi ka thain Riwar.