Hikai thir bad pynmih ia u ksai Eri ha Umran

Shillong, 3 Risaw:
Ka State Bank of India ka la pyniar shuh shuh ia ki thapniang ai jingshakri sha ki paidbah ha ki thain nongkyndong lyngba ka Rural Self – Employment Training Institute (RSETI) ka ba don ha Umran – Niangbyrnai, Ri-Bhoi District
Ia kane ka tnad la bei tyngka da ka State Bank of India RBO, Dhankheti Shillong, ka la sdang ban ai jinghikai ia ki paidbah nongkyngdong naduh snem 2009 ha ki jaid training bapher bapher ban seng kam lajong bad ieng ha la ki jong ki kjat bad da ka jingthmu ruh ban kyntiew shuh shuh ia ka ioh ka kot ka kamai kajih, ki nongrep, nongri jingri bad ki samla ha ki thain nongkyndong lyngba ki jinghikai ki ba biang eh bad ba paka kumno ba kin nangroi shuh shuh ha ka kam ba ki rep ne trei .
Ha u ne u bnai september la pynlong ia ka jinghikai thir ksai ban pynmih ia u ksai Eri bad Muga na bynta ban thain jain. ( SERICULTURE : ERI, MUGA, Spinning & Reeling), ka jinghikai kaba neh 14 sngi lynter ka la kut noh ha ka sngi saitjain 01.10.2016.
Mynta ka sngi pynkut, na ka liang Bah L.Rympei Manager Sericuluture Department, Nongpoh,kum u kongsan u la kren shaphang ka jingmyntoi jong kane ka kam thir ksai bad u la kyntu kynpham ba ki dei ban pynbha shuh shuh ia ka ne ka kam ba ki trei da ka ba ong ruh ia ba kane ka training kan da long shisha ka jingkyrkhu na bynta ka lawei ha ka jingim jong ki. Ki ba la don ryngkat ha kane ka sngi ki long Director jong ka SBI-RSETI ,umran kong Darimon.N.Passah, ki Nonghikai na Sericulture department bad kiwei kiwei de.
Ha kane ka sngi la sam ruh ia ki syrnot sha ki 21 ngut ki ba la pyndep ia kane ka training ha ka ba ki lah ban pyndonkam ia ki ha ba ki bun ki bynta, khamtam eh ha ba ki don jingthmu ban pyniair shuh shuh ia ka kam jong ki da ka ba ki shim ram na ki bank bapher bapher.
Lada don kino kino ki ba don jingthmu ban leit sha shah hikai kane ka training institute ki lah ban leit wad jingtip ba kham bniah na ka office ka ba don ha Umran-Niangbyrnai lane ki lah ban phone ha ki ne ki number 8575792482 / 8119900596 . Kane ka long katkum ka kyrwoh lyngba Bah Lucky Star Lamin, Faculty SBI-RSETI ,Umran.