Ba sawa ki Jet, mut dur ki paidbah ba khreh thma bad ka Pakistan

Shillong, 02 Risaw:
Ka jingher ki lieng-suin ki shipai Eastern Air Command (EAC) ha suin kaba la sawa jam ha ka nongbah Shillong, ka la pynlongia kiba bun ki paidbah ban mutdur ba ka dei imat ka jingpynkhreh ka India ban iadur thma bad ka Pakistan hadien ba la mih ka jingiakynad ha kine ki sngi.
Hynrei kam dei kumta, namar ba ka jingher ki liengsuin ka EAC ka dei namar ka jingrakhe ia ka jingdap 84 snem ka EAC, kaba la sdang naduh ka 30 tarik Nalur bad ka kut mynta ka sngi u Blei ha Hynniewmer, Shillong.
Ha kine ki sngi khamtam hynne ka sngi kut, ki paidbah ki la ia tuid sha katei ka jaka ban iohi bad ioh ktah ia ki helicopter jong ki shipai ha kum kine ki jingpyninam jong ki shipai suin.
Ha kane ka sngi ki paidbah jong kane ka nongbah Shillong kila sakhi ia kane ka jingleh kmen jong ki shipai ha kaba a plié da u heh duh jong ki shipai suin kane ka thain u Air Marshal C Hari Kumar da kaba pynher ia ki balloon.
La pynisha ki paidbah ia ka jingtbit jong ki shipai suin jong ka Ri India naduh ki nongniah ia ki helicopter bad kumjuh ia ki nongiah ia ki lieng suin ia pom bad kila don ruh ka jingpynhiar parashut ia shipai na jrong suin bneng.
Kane ka Air Fest jong ki shipai kan dang long ruh la shai ka sngi bad ka jingpynlong ia kum kane ka air fest ka long ban khring ia ki samla kane ka thain ban ioh ia ka jingmut ba kin rung ha kane ka kam shipai kaba don burom ban iada ia ka Ri.