Leit jurip ki 4 seng ia ka Rose Valley

Shillong, 17 Naitung:
Hadien ka jingshah thok jong ki ba bun byllien ki paidbah jong ka Jaintia Hills ha ki kompeni bapher, kumta ki saw tylli ki sengbhalang na Ri Lum Jaintia kata ka KSU-JHDU, ka AJYWO-CGB, ka FKJGP-JHDU bad ka HNYF-ER ki la pynlong ia ka jingleit jngoh mynhy nnin ka sngi ia ka Rose Valley kaba dei kawei na ki NBFC’s kaba don ha Ladthadlaboh Jowai.
Ki nongialam jong kitei ki saw seng, kata u Bah SS Niangti Genl.Secretary ka KSU-JHDU, u Bah M H Dkhar President ka AJYWO-Sengkmie, u Bah T Lytep, President ka FKJGP-JHDU bad u Bah Lamsuk Langstang, President ka HNYF-Eastern Region ha ka jingleit jgngoh ba kyndit jong ki ia katei ka kompeni kynshew pisa hadien ka jingkylli pyrthew ba bun rukom, ki la dawa na katei ka kompeni ban pynbiang ia baroh ki kot ki sla ba donkam jong ka hapoh ar sngi khnang ba yn ioh ban bishar bniah, la katei ka kompeni ka iaid ne em kat kum ki kyndon ain ba pher ba pher jong ka sorkar India bad ka sorkar jylla bad ruh la kan long ne em ka kompeni ka ban neh ryta.