6 bnai duh ñiah kali, 3 ngut ba bu-aid kyiad

Shillong,30 Nailur:
3 ngut ki nongñiah kali ki la shah pynduh ñiah kali haduh 6 bnai kynthih bad la knieh noh ia ka laisen jong ki namar ba ki la shah rai pynrem ha ka ing bishar ba ki ñiah kali ha ryngkat ka jingbu-aid kyiad. U Judicial Magistrate First Class, Shillong vide order dt. 8. 9.2016 u la rai pynrem ia u Shri Purandar Boro uba la shah pynngat kyndon ha ki pulit Laitumkhrah Traffic Branch u/s 184/185/196 M.V.Act ba u niah kali bu-aid, la daiñ kuna ia u T.4000 tyngka bad u la shah knieh ka laisen bad un duh niah kali hynriew bnai.
Ia u Dominic Lyngdoh uba la shah pynngat kyndon ha ki pulit ka Mawlai Traffic Branch u/s 185 M.V.Act ruh la rai pynrem bad u shah daiñ kuna T.2000 tyngka bad shah pynduh niah kali 6 bnai. Uwei pat dei u Donbok Kharpran ba la pynngat kyndon da ki pulit ka Laitumkhrah Traffic Branch u/s 179/184/185 M.V.Act, u la shah daiñ kuna T.3500 tyngka bad shah pynduh niah kali hynriew bnai.
Ka ing bishar ka la rai pynrem ruh ia ka Larica Kharmawphlang bad u Wakorbiki Slong namarba ki hylla bad kyrkait ha ki jaka paidbah katkum ka kyndon u/s 110(1)(b)(e) Meghalaya Police Act,kitei ki shah daiñ kuna T.5000 tyngka marwei kumjuh ruh la pynngat ha ka juh katei ka kyndon ia u Asmil Hussain bad la daiñ kuna T.5000 tyngka.